https://youtu.be/iO34MNBB6fc جو سر سے پاؤں تک محتاج اور مقروض ہوتا ہے وہ کیسے دسترس سے غیر کی محفوظ ہوتا ہے ہمارے ملک کو آفات نے اس طور گھیرا ہے نہیں لگتا یہاں پر کوئی بھی محفوظ ہوتا ہے دکھاتے ہیں سیاست داں سنہرے خواب لوگوں کو نہ جانے کون ان کی بات سے محظوظ ہوتا ہے جسے دیکھو وہی کھویا ہے اب دنیا پرستی میں ہر اک کوتاہ بیں پیسے پہ ہی مرکوز ہوتا ہے نہیں انسانیت کے واسطے سے کوئی ہمدردی ہر اک بندے کو اپنا فائدہ ملحوظ ہوتا ہے ملوث کر لیا جاتا ہے ناکردہ جرائم میں جسے دیکھو کسی الزام میں ماخوذ ہوتا ہے یہی ہوتا ہے جب انساں بھلا دیتا ہے خالق کو یہی ہوتا ہے جب ارضی خدا ملحوظ ہوتا ہے (امۃ الباری ناصر۔ امریکہ)
