Listen to 20220712-moalemeen refresher course burkina byAl Fazl International on hearthis.at گزشتہ کچھ عرصہ سے مرکز کی ہدایت کے مطابق مبلغین اور معلمین کرام کو ہر سال ریفریشر کورسز کروائے جا رہے ہیں۔ ان پروگراموں کا مقصد مجموعی طور پر علمی صلاحیتوں کو ابھارنا اور وقت کے تقاضوں کے ساتھ ساتھ نئے پیدا ہونے والے مسائل اوراعتراضات کے حل کے لیے مبلغین کو تیار کرنا ہے۔ ان ریفریشر کورسز کی وجہ سے نئے مبلغین اپنے پرانے، سینئر اور تجربہ کار بھائیوں کے ساتھ بیٹھ کر میدان عمل میں اپنی کارکردگی بہتر کرنے کے لیے تجربات حاصل کرتے ہیں۔ برکینافاسو میں اس وقت ایک صد سے زائد لوکل مبلغین خدمت کی توفیق پا رہے ہیں جبکہ ہر سال ان میں اضافہ بھی ہو رہا ہے۔ ایک صد سے زائد مبلغین کا ایک ساتھ ریفریشر کورس منعقد کرنا اور تمام مبلغین کو بیک وقت میدان عمل سے بلانا ایک مشکل امر ہے۔ ا س لیے مرحلہ وار مبلغین کا ریفریشر کورس کیا جاتا ہے اور ایک وقت میں تیس سے پینتیس مبلغین بلائے جاتے ہیں ۔ ماہ جون 2022ء میں ان مبلغین کے ایک حصہ کا ریفریشر کورس نیشنل ہیڈ کواٹرز واگا دوگومیں منعقدکیا گیا۔ مورخہ 12؍جون کو مکرم کونے داؤدا صاحب نگران ریفریشر کورس نے افتتاح کیا۔ اس کے فوری بعد کلاسز کا آغا زہوا۔ دوران ریفریشر کورس درج ذیل موضوعات پر کلاسز ہوئیں اور لیکچرز دیے گئے۔ ہر لیکچر اور کلاس کے بعد مبلغین کو سوالات کرنے کا موقع دیا جاتا اور موضوع کو اچھی طرح سمجھنے اورسمجھانے کی کوشش کی جاتی رہی۔ موضوعاتاساتذہتجویدحافظ منظور احمدوصیتکونے داؤدامالی نظام، چندہ جات، حسابات ، رسید بکس وغیرہحافظ منظور احمد ،زونو یونس،ناصر گی نی مینوںاخلاقیات و معاشرتی آدابمحمود ناصر ثاقبہومیو پیتھیناصر اقبال خان، زیلا یوسفنظام جماعتنعیم احمد باجوہاعتراضات کے جواباتمحمد اظہار راجہ سیرت حضرت مسیح موعود علیہ السلام حافظ طیب احمدسوشل میڈیایاؤ لاسیناحقیقت جنحافظ طیب احمدوقف نوناصر اقبال خانایڈمسٹریشنسلمان کابورےموازنہ مذاہبحافظ محمد بلال طارقجادو ٹونہ کے متعلق غلط عقائد کا ردنعیم احمد باجوہخلافتمحمود ناصر ثاقبشادی نکاحناصر اقبال خانہیومنٹی فرسٹجیالو عبدالرحمنIAAAE، مسرور آئی انسٹمحب اللہ خالدابتدائی تاریخ احمدیت برکینا فاسوودراگو بخاری دوران ریفریشر کورس مبلغین کرام کو احمدیہ ہسپتال، پرنٹنگ پریس اور جماعتی دفاتر کا دورہ بھی کروایا گیا۔ اس طرح ان شعبوں میں ہونے والی ترقی اور کام کرنے کے طریقے سے آگاہی دی گئی۔ ریفریشر کورس کے اختتام پر مورخہ 21؍جون 2022ء کو مشن ہاؤس میں ریسپشن ہوئی جس میں مکرم محمود ناصر ثاقب صاحب امیر جماعت برکینا فاسو شامل ہوئے۔ اس تقریب میں ریفریشر کورس کی رپورٹ پیش کی گئی۔ رپورٹ کے مطابق مختلف ریجنز کے تیس مبلغین کرام نے اس کورس میں شرکت کی۔ بعض مبلغین نے اپنے تاثرات پیش کیے اور ریفریشر کورس کے انعقاد پر شکریہ ادا کیا۔ مکرم امیر صاحب نے دعا کروائی جس کے بعد تما م حاضرین کی خدمت میں کھانا پیش کیا گیا۔ اللہ تعالیٰ اس پروگرام کے نیک اثرات ظاہر فرمائے اور مبلغین کرام کو میدا ن عمل میں بہترین رنگ میں مقبول خدمات کی توفیق عطا فرمائے۔ آمین
