خدا کرے تری سوچوں میں اضطراب نہ ہوخطائیں ہوں بھی تو ایسی کہ احتساب نہ ہو خدا کرے کہ کدورت نہ ہو کبھی دل میںکبھی بھی ظلم و تعدی کا ارتکاب نہ ہو خدا کرے تجھے حسنِ عمل نصیب رہےخدا کرے تو کبھی موردِ عتاب نہ ہو خدا کرے کہ تری گفتگو سے پھول جھڑیںترے سخن سے کسی کو بھی اجتناب نہ ہو خدا کرے کہ تری خیر سے رہے نسبتخدا کرے کہ کبھی شر کا انتخاب نہ ہو خدا کرے کہ ترے عشق میں صداقت ہوخدا کرے کہ ترے عشق میں حجاب نہ ہو خدا کرے ترے لفظوں سے روشنی پھوٹےخدا کرے ترے لفظوں میں پیچ و تاب نہ ہو خدا کرے کہ ترا قد سدا دراز رہےخدا کرے تری شہرت کبھی خراب نہ ہو خدا کرے کہ تو رسوائیوں سے دور رہےخدا کرے کہ عدو کوئی کامیاب نہ ہو خدا کرے ترے باطن میں تیرگی نہ رہےخدا کرے کہ تو محرومِ آفتاب نہ ہو خدا کرے کہ تو مقبول بارگاہ ٹھہرےخدا کرے کہ تری عرض بے ثواب نہ ہو
