اللہ تعالیٰ کے فضل سے گنی کی مختلف جماعتوں میں جلسہ ہائے یوم مصلح موعود منعقد ہوئے جن کی مختصر رپورٹ قارئین الفضل کی خدمت میں پیش ہے۔ گنی کناکری میں ہونے والا جلسہ یوم مصلح موعود مورخہ ۱۸؍فروری ۲۰۲۴ء کو گنی کناکری کی مرکزی احمدیہ مسجد بیت الاحد میں جلسہ کا انعقاد صبح سوا گیارہ بجے ہوا۔ تلاوت قرآن کریم، ترجمہ اور نظم کے بعد مکرم محمد الحسن ماریگا صاحب نے پیشگوئی مصلح موعود پڑھ کر سنائی۔ بعد ازاں خاکسار (صدر و مشنری انچارج گنی کناکری) نے حضرت مسیح موعودؑ کے ارشادات اور حضرت امیرالمومنین خلیفۃ المسیح الخامس ایّدہ اللہ تعالیٰ کے بیان فرمودہ خطبات سے پیشگوئی مصلح موعود کا تعارف اور پس منظر سامعین کے سامنے بیان کیا۔ دوسری تقریر مکرم سعید جالو صاحب نے حضرت مصلح موعودؓ کے غیر معمولی اور قابل تعریف کام کے موضوع پر کی۔ تیسری تقریر میں مکرم سلیمان سو صاحب لوکل مشنری نے حضرت مصلح موعودؓ کے مبارک دور میں جماعت کے انتظامی ڈھانچے کی غیر معمولی تشکیل کا ذکر کیا۔ جلسہ کا اختتام نماز ظہر و عصر کی ادائیگی سے ہوا ۔آخر میں تمام احباب کی خدمت میں کھانا پیش کیا گیا۔ جلسہ کی حاضری ۶۳؍مردو زن و بچوں پر مشتمل تھی۔ جلسہ میں شامل ایک نوجوان محمد سو نے بیعت کی سعادت پائی اور حضرت مسیح موعودؑ کی جماعت میں شامل ہوا۔ الحمد للہ ملک میں ہونے والے جلسہ ہائے یوم مصلح موعود کی فہرست اور حاضری نام جماعتتعداد شاملین احمدی احبابتعداد شاملین غیر از جماعتFILAYAH333TAIBATA20 MINSINE122KOLIAGBE255DABOYAH10012MORIA-KHORE9511FOUNDIGIAH252FOULAYAH15 DONKHE802BONDIYAH1154KALETA1558BOKE553SOFINE102 SOUMBOYADI1049KAFILYAH68 SAFARI29 DAKHABE27 TAMBAYA67 MBORO868SIRAMODOUYAH68 KOTONKO43
