خدا تعالیٰ کے فضل سے مورخہ ۱۷؍اکتوبر ۲۰۲۵ء بروز جمعة المبارک مدرسۃ الحفظ کے ایک اور طالبعلم عزیزم الحسن عابد ولدمحترم الحسن آدم صاحب نے تکمیل حفظِ قرآن کی سعادت حاصل کی۔ الحمدللہ۔ عزیزم JHS1 مکمل کرنے کے بعد اکتوبر ۲۰۲۳ء میں مدرسۃ الحفظ داخل ہوئے اور ۲ سال اور ۱۷ دن میں قرآن کریم کا حفظ مکمل کیا۔ بحیثیت استاد مورخہ ۱۷؍اکتوبر بروز جمعة المبارک مکرم حافظ علی فورسن صاحب نے ان سےآخری سبق سنااور تکمیل حفظ پر سب نے اس نئے حافظ کو مبارکباد دی۔ مدرسۃ الحفظ کے آغاز (یکم مارچ 2005ء) سے اب تک اس ادارے سے ۹۷طلباء قرآنِ کریم حفظ کرنے کی سعادت حاصل کر چکے ہیں۔ الحمدللہ۔اِس وقت مدرسة الحفظ گھانا میں ۴۱ طلباء زیر تعلیم ہیں جن کا تعلق گھانا، گنی بساؤ اور کینیڈا سے ہے۔ (رپورٹ: حافظ مبشر احمد جاوید۔ مربی سلسلہ و انچارج مدرستہ الحفظ گھانا)
