https://youtu.be/D9JYwUcFz_Q مورخہ ۸ تا ۱۴؍ستمبر ۲۰۲۵ء کے دوران حضرت خليفۃ المسيح الخامس ايدہ اللہ تعاليٰ بنصرہ العزيز کي گوناگوں مصروفيات میں سے چند ايک کی جھلک ہديۂ قارئين ہے: ٭…۹؍ستمبر بروز منگل: آج گیانا کے ہائی کمشنر برائے برطانیہ ڈاکٹر راجندر سنگھ کو حضور انور کے ساتھ ملاقات کرنے کا شرف حاصل ہوا۔ ٭…۱۱؍ستمبر بروز جمعرات: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرم عبد العزیز کوثر صاحب (کارڈف۔ یوکے) کی نماز جنازہ حاضر اور پانچ مرحومین کی نمازِ جنازہ غائب پڑھائی۔ ٭…۱۲؍ستمبر بروز جمعۃ المبارک: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد یوکے ميں خطبہ جمعہ ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ جمعہ کے لیے ملاحظہ فرمائیں الفضل انٹرنیشنل ۱۵؍ستمبر ۲۰۲۵ء) ٭…حضور انور نے آج شام کو اسلام آباد کے مختلف حصوں کا راؤنڈ فرمایا اور اس موقع پر موجود بچوں میں چاکلیٹس تقسیم فرمائیں۔ ٭…۱۳؍ستمبر بروز ہفتہ: حضور انور ايدہ اللہ تعاليٰ بنصرہ العزيز نے آج دوپہر ساڑھے بارہ بجے اپنے دفتر سے باہر تشریف لاکر مکرمہ عطیہ انور صاحبہ اہلیہ مکرم احمد سعید اختر صاحب مرحوم (Ash۔یوکے) کی نماز جنازہ حاضر اور تین مرحومین کی نمازِ جنازہ غائب پڑھائی۔ ٭…آج دوپہر کو خدام الاحمدیہ امریکہ کے Midwest ریجن کے ایک وفد کی حضور انور کے ساتھ اسلام آباد میں ملاقات ہوئی۔ ٭… حضور انورنے آج بعد نماز عصر چھ نکاحوں کا اعلان فرمایا اور ان کے بابرکت ہونے کے لیے دعا کروائی۔ (تفصیلات صفحہ ۷ پرملاحظہ فرمائیں) ٭…۱۴؍ستمبر بروز اتوار: آج دوپہر کو اساتذہ جامعہ احمدیہ جرمنی کی حضور انور کے ساتھ اسلام آباد میں ملاقات ہوئی۔ اس ہفتہ کے دوران حضورِانور نے متعدد دفتری و ذاتی ملاقاتیں فرمائیں۔ دفتری ملاقات کی سعادت پانے والے احباب نے اپنے پیارے امام سے متفرق امور کی بابت ہدایات اور راہنمائی حاصل کرنے کی توفیق پائی۔ اَللّٰھُمَّ اَیِّدْ اِمَامَنَا بِرُوْحِ الْقُدُسِ وَ کُنْ مَعَہٗ حَیْثُ مَا کَانَ وَانْصُرْہُ نَصْرًا عَزِیْزًا مزید پڑھیں: اللہ تعالیٰ کی حمد اور دعا کے مضمون کا بیان
