https://youtu.be/kEy95zWT8MQ مورخہ ۲۵ تا ۳۱؍اگست ۲۰۲۵ء کے دوران حضرت خليفۃ المسيح الخامس ايدہ اللہ تعاليٰ بنصرہ العزيز کي گوناگوں مصروفيات میں سے چند ايک کی جھلک ہديۂ قارئين ہے: ٭…۲۷؍اگست بروز بدھ: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرم چودھری ناصر احمد صاحب ابن مکرم چودھری حفیظ احمد صاحب مرحوم (Leicester۔ یوکے) کی نماز جنازہ حاضر اور ۶؍مرحومین کی نمازِ جنازہ غائب پڑھائی۔ ٭…۲۹؍اگست بروز جمعۃ المبارک: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد یوکے ميں خطبہ جمعہ ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ جمعہ کے لیے ملاحظہ فرمائیں الفضل انٹرنیشنل یکم ستمبر ۲۰۲۵ء) ٭…۳۰؍اگست بروز ہفتہ: حضور انور نے آج جلسہ سالانہ جرمنی ۲۰۲۵ء کے دوسرے روز دوپہر ساڑھے گیارہ بجے کے قریب مستورات کے اجلاس سے ایوان مسرور، اسلام آباد سے خطاب فرمایا۔ دعا کے بعد لجنہ اماء اللہ و ناصرات الاحمدیہ جرمنی نے اجتماعی طور پر مختلف زبانوں میں اپنے پیارے امام سے عقیدت کا اظہار کرتے ہوئے ترانے پڑھے۔ (حضور انور کے خطاب کا خلاصہ صفحہ نمبر ایک سے ملاحظہ فرمائیں) ٭…۳۱؍اگست بروز اتوار: حضور انور نے آج دوپہر ساڑھے تین بجے کے قریب جلسہ سالانہ جرمنی ۲۰۲۵ء کا اختتامی خطاب ایوان مسرور، اسلام آباد سے فرمایا۔ دعا کے بعد احباب جماعت احمدیہ جرمنی نے اجتماعی طور پر مختلف زبانوں میں اپنے پیارے امام سے عقیدت کا اظہار کرتے ہوئے ترانے پڑھے۔ (حضور انور کے خطاب کا خلاصہ صفحہ نمبر ایک سے ملاحظہ فرمائیں) اس ہفتہ کے دوران حضورِانور نے متعدد دفتری و ذاتی ملاقاتیں فرمائیں۔ دفتری ملاقات کی سعادت پانے والے احباب نے اپنے پیارے امام سے متفرق امور کی بابت ہدایات اور راہنمائی حاصل کرنے کی توفیق پائی۔ اَللّٰھُمَّ اَیِّدْ اِمَامَنَا بِرُوْحِ الْقُدُسِ وَ کُنْ مَعَہٗ حَیْثُ مَا کَانَ وَانْصُرْہُ نَصْرًا عَزِیْزًا
