مورخہ ۲۴ تا ۳۰؍نومبر ۲۰۲۵ء کے دوران حضرت خليفۃ المسيح الخامس ايدہ اللہ تعاليٰ بنصرہ العزيز کي گوناگوں مصروفيات میں سے چند ايک کی جھلک ہديۂ قارئين ہے: ٭…۲۶؍نومبر بروز بدھ: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرمہ امۃ الودود غفار صاحبہ اہلیہ مکرم میاں محمد عبد الغفار صاحب مرحوم (ایپسم، یوکے)کی نماز جنازہ حاضر اور تین مرحومین کی نمازِ جنازہ غائب پڑھائی۔ ٭…۲۸؍نومبر بروز جمعۃ المبارک: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد یوکے ميں خطبہ جمعہ ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ جمعہ کے لیے ملاحظہ فرمائیں الفضل انٹرنیشنل یکم دسمبر ۲۰۲۵ء) ٭…۲۹؍نومبر بروز ہفتہ: آج دوپہر کو خدام الاحمدیہ امریکہ کے ساؤتھ ایسٹ ریجن کے ایک وفد کو حضور انور کے ساتھ اسلام آباد میں ملاقات کرنے کا شرف حاصل ہوا۔ ٭… حضور انورنے آج بعد نماز ظہر و عصر سات نکاحوں کا اعلان فرمایا اور ان کے بابرکت ہونے کے لیے دعا کروائی۔ (تفصیلات صفحہ ۲ پرملاحظہ فرمائیں) ٭…۳۰؍نومبر بروز اتوار: آج کینیڈا کے صوبہ اونٹاریو کے وزیرِ توانائی و معدنیات محترم اسٹیفن لیچے کو حضور انور کے ساتھ اسلام آباد میں ملاقات کرنے کا شرف حاصل ہوا۔ ٭…حضور انور نے آج بعد نماز مغرب ایوان مسرور اسلام آباد میں ہیومینٹی فرسٹ انٹرنیشنل کی کانفرنس کے اختتامی اجلاس کی صدارت فرمائی اور بصیرت افروز خطاب فرمایا۔ حضور انور نے اپنے خطاب سے قبل ہیومینٹی فرسٹ کے بعض خوش قسمت رضاکاران کو انعامات سے نوازا۔ نیز حضور انور کے خطاب کے بعد کانفرنس کے شرکاء کو حضور انور کے ساتھ تصاویر بنوانے کی سعادت ملی۔ (خلاصہ خطاب حضور انور اور کانفرنس کی مفصل رپورٹ کے لیے ملاحظہ فرمائیں الفضل انٹرنیشنل ۶؍دسمبر ۲۰۲۵ء) اس ہفتہ کے دوران حضورِانور نے متعدد دفتری و ذاتی ملاقاتیں فرمائیں۔ دفتری ملاقات کی سعادت پانے والے احباب نے اپنے پیارے امام سے متفرق امور کی بابت ہدایات اور راہنمائی حاصل کرنے کی توفیق پائی۔ اَللّٰھُمَّ اَیِّدْ اِمَامَنَا بِرُوْحِ الْقُدُسِ وَ کُنْ مَعَہٗ حَیْثُ مَا کَانَ وَانْصُرْہُ نَصْرًا عَزِیْزًا مزید پڑھیں: دعا اور استغفار تمہارے فائدے کے لیے ہے
