مورخہ ۱۷ تا ۲۳؍نومبر ۲۰۲۵ء کے دوران حضرت خليفۃ المسيح الخامس ايدہ اللہ تعاليٰ بنصرہ العزيز کي گوناگوں مصروفيات میں سے چند ايک کی جھلک ہديۂ قارئين ہے: ٭…۱۷؍نومبر بروز سوموار: آج دوپہر کو مجلس خدام الاحمدیہ امریکہ کے میری لینڈ ریجن کے وفد کو حضور انور کے ساتھ اسلام آباد میں ملاقات کرنے کا شرف حاصل ہوا۔ ٭…۲۰؍نومبر بروز جمعرات: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرم چودھری آفتاب احمد صاحب ابن مکرم محمد مالک صاحب مرحوم (وانڈزورتھ۔یوکے) کی نماز جنازہ حاضر اور پانچ مرحومین کی نمازِ جنازہ غائب پڑھائی۔ ٭…۲۱؍نومبر بروز جمعۃ المبارک: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد یوکے ميں خطبہ جمعہ ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ جمعہ کے لیے ملاحظہ فرمائیں الفضل انٹرنیشنل ۲۴؍نومبر ۲۰۲۵ء) ٭…۲۳؍نومبر بروز اتوار: حضور انور نے آج شام کو مسجد بیت الرحیم کارڈف کا بابرکت افتتاح فرمایا اور اس موقع پر منعقد ہونے والی خصوصی تقریب میں خطاب فرمایا۔ (خلاصہ خطاب حضور انور اور مسجد کے افتتاح کی رپورٹ کے لیے ملاحظہ فرمائیں الفضل انٹرنیشنل ۲۹؍نومبر ۲۰۲۵ء) اس ہفتہ کے دوران حضورِانور نے متعدد دفتری و ذاتی ملاقاتیں فرمائیں۔ دفتری ملاقات کی سعادت پانے والے احباب نے اپنے پیارے امام سے متفرق امور کی بابت ہدایات اور راہنمائی حاصل کرنے کی توفیق پائی۔ اَللّٰھُمَّ اَیِّدْ اِمَامَنَا بِرُوْحِ الْقُدُسِ وَ کُنْ مَعَہٗ حَیْثُ مَا کَانَ وَانْصُرْہُ نَصْرًا عَزِیْزًا مزید پڑھیں: ویلز، برطانیہ کے دارالحکومت کارڈِف میں پہلی احمدیہ مسجد بیت الرّحیم کی تعمیر
