مورخہ ۱۰ تا ۱۷؍اگست ۲۰۲۵ء کے دوران حضرت خليفۃ المسيح الخامس ايدہ اللہ تعاليٰ بنصرہ العزيز کي گوناگوں مصروفيات میں سے چند ايک کی جھلک ہديۂ قارئين ہے: (حضور انور نے مورخہ ۶؍اگست بروز بدھ ایوان مسرور، اسلام آباد میں منعقدہ مشاعرہ زیر اہتمام تعلیم الاسلام اولڈ سٹوڈنٹس ایسو سی ایشن برطانیہ کو رونق بخشی۔ ) ٭…۱۰؍اگست بروز اتوار: آج کیمرون سے آئے ڈی بی ایس ٹی وی کے ڈائریکٹر کو حضور انور سے ملاقات کا شرف حاصل ہوا۔ ٭…اسی طرح آج جلسہ سالانہ برطانیہ میں شرکت کے لیے بھارت سے آئے ہوئے ایک وفد کو حضور انور سے ملاقات کرنے کا شرف حاصل ہوا۔ ٭…۱۳؍اگست بروز بدھ: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرم شیخ انور حمید صاحب کپور تھلوی(ساؤتھ فیلڈز۔ یوکے) کی نماز جنازہ حاضر اور ۶؍مرحومین کی نمازِ جنازہ غائب پڑھائی۔ ٭…۱۵؍اگست بروز جمعۃ المبارک: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد یوکے ميں خطبہ جمعہ ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ جمعہ کے لیے ملاحظہ فرمائیں الفضل انٹرنیشنل ۱۸؍اگست ۲۰۲۵ء) ٭…حضور انور نے آج شام کو اسلام آباد کے مختلف حصوں کا راؤنڈ فرمایا اور اس موقع پر موجود بچوں میں چاکلیٹس تقسیم فرمائیں۔ ٭…۱۶؍اگست بروز ہفتہ:حضور انورنے آج بعد نماز عصر چار نکاحوں کا اعلان فرمایا اور ان کے بابرکت ہونے کے لیے دعا کروائی۔ (تفصیلات صفحہ ۲ پرملاحظہ فرمائیں) ٭…۱۷؍اگست بروز اتوار: آج جلسہ سالانہ برطانیہ ۲۰۲۵ء کے شعبہ خدمت خلق کے ناظمین اور وقارِ عمل کی ٹیم کو حضور انور کے ساتھ گروپ تصاویر کھنچوانے کی سعادت ملی۔ اس ہفتہ کے دوران حضورِانور نے متعدد دفتری و ذاتی ملاقاتیں فرمائیں۔ دفتری ملاقات کی سعادت پانے والے احباب نے اپنے پیارے امام سے متفرق امور کی بابت ہدایات اور راہنمائی حاصل کرنے کی توفیق پائی۔ اَللّٰھُمَّ اَیِّدْ اِمَامَنَا بِرُوْحِ الْقُدُسِ وَ کُنْ مَعَہٗ حَیْثُ مَا کَانَ وَانْصُرْہُ نَصْرًا عَزِیْزًا مزید پڑھیں: ڈائری مکرم عابد خان صاحب سے ایک انتخاب(دورہ یورپ۔ ستمبر و اکتوبر ۲۰۱۹ء کے چند واقعات۔ حصہ چہارم)
