(منظوم کلام سیّدنا حضرت مصلح موعود رضی اللہ عنہ) ہو فضْل تیرا یا رب یا کوئی اِبتلا ہو راضی ہیں ہم اُسی میں جس میں تری رضا ہو مِٹ جاؤں مَیں تو اس کی پروا نہیں ہے کچھ بھی میری فنا سے حاصل گر دین کو بقا ہو سینہ میں جوشِ غیرت اور آنکھ میں حَیا ہو لب پر ہو ذکر تیرا دل میں تری وفا ہو شیطان کی حکومت مٹ جائے اس جہاں سے حاکم تمام دنیا پہ میرا مصطفےٰؐ ہو محمودؔ عمر میری کٹ جائے کاش یونہی ہو روح میری سجدہ میں سامنے خدا ہو (از رسالہ فرقان۔ ماہ اپریل ۱۹۴۴ء۔ بحوالہ کلام محمود صفحہ۲۷۳) مزید پڑھیں: دل مرا بے قرار رہتا ہے
