https://youtu.be/z01Zk2Ah18M خدا تعالیٰ کے فضل سے مورخہ ۲۰؍جون ۲۰۲۵ء کو عزیزم مبارک ایڈو محمد ولد مکرم ڈاکٹر محمد کویکو ایڈو صاحب اور مورخہ ۲۲؍جون ۲۰۲۵ء کو عزیزم مسرور احمد نانا آسمواہ ولد مکرم معلم عیسیٰ آسمواہ بن ابوبکر صاحب کو تکمیل حفظِ قرآن کی سعادت حاصل ہوئی، الحمدللہ۔ اللہ تعالیٰ یہ سعادت عزیزان و سلسلہ کے ليے مبارک فرمائے اور ان کے لیے مزید کامیابیوں کا پیش خیمہ بنائے۔ آمین عزیزم فضل عمر ثاقب عزیزم مبارک ایڈومحمد کو خاکسارجبکہ عزیزم مسرور احمدنانا آسمواہ کو مکرم حافظ علی فورسن صاحب استاد مدرسۃالحفظ کی زیرنگرانی مکمل قرآن کریم حفظ کرنے کی توفیق ملی۔ عزیزم مبارک ایڈو محمد کے والد سینٹرل ریجن کی مقامی جماعت کے صدر جبکہ عزیزم مسرور احمد کے والد بطور معلم سلسلہ جماعت کی خدمت کی توفیق پا رہے ہیں۔ اسی طرح ۲۷؍جون ۲۰۲۵ء بروز جمعۃ المبارک مدرسۃ الحفظ کے ایک اور طالبعلم عزیزم فضل عمر ثاقب نے تکمیل حفظِ قرآن کی سعادت حاصل کی۔ الحمدللہ عزیزم مبارک ایڈو محمد اور عزیزم مسرور احمد نانا آسمواہ عزیزم نےیکم اکتوبر ۲۰۲۳ء کو قرآن کریم حفظ کرنا شروع کیا اورایک سال، ۸؍ماہ اور ۲۷؍دن میں قرآن کریم کا حفظ مکمل کیا۔ امسال مدرستہ الحفظ کے سالانہ امتحان میں اول آئے اور best student of the yearکا اعزاز اپنے نام کیا۔ یہ بچہ مکرم مبشر احمد اختر صاحب مرحوم آف عقب فضل عمر ہسپتال ربوہ کا پوتا، مکرم محمد سلطان خان صاحب سابق کارکن صدر انجمن احمدیہ ربوہ حال لندن کا نواسہ اور مکرم انور اقبال ثاقب صاحب مبلغ سلسلہ و استاد جامعہ احمدیہ انٹر نیشنل گھاناکا بیٹا ہے۔ عزیزم وقف نو کی بابرکت تحریک میں بھی شامل ہے۔ عزیزم کو مدرسۃ الحفظ بھجوانے سے قبل یسرناالقرآن اور صحت تلفظ کے ساتھ قرآن کریم ناظرہ پڑھانے کی سعادت ان کی والدہ مبارکہ ثاقب صاحبہ کو ملی۔ مدرسۃ الحفظ کے آغاز یکم مارچ ۲۰۰۵ءسے اب تک اس ادارے سے اللہ تعالیٰ کے فضل سے ۹۶؍ طلبہ قرآن کریم حفظ کرنے کی سعادت حاصل کر چکے ہیں جن کا تعلق گھانا، برکینا فاسو، آئیوری کوسٹ، یوگنڈا، لائبیریا، ٹوگو، بینن، گیمبیا اور پاکستان سے ہے۔ اس وقت مدرسۃ الحفظ میں زیرِ تعلیم طلبہ کی تعداد۲۷؍ہے۔ ان طلبہ کا تعلق گھانا، پاکستان اورگنی بساؤ سے ہے۔ (رپورٹ:حا فظ مبشر احمد جاوید۔ مبلغ سلسلہ و انچارج مدرسۃ الحفظ گھانا) مزید پڑھیں: جامعۃ المبشرین برکینا فاسو کی چھٹی تقریب تقسیم اسناد ۲۰۲۵ء
