اللہ تعالیٰ کے فضل سے جماعت احمدیہ گنی بساؤ کو ملک بھر میں یوم خلافت کے حوالے سے جلسہ جات منعقد کرنے کی توفیق ملی۔ ۲۷؍مئی ۲۰۲۵ء کو دارالحکومت بساؤ میں جلسہ یوم خلافت منعقد کیاگیا۔ اس کے علاوہ مختلف دنوں میں ملک بھر کی تقریباً ہر جماعت میں اس دن کے حوالے سے پروگرامز کا انعقاد کیا گیا۔ تمام پروگرامز کا آغاز تلاوت قرآن کریم، ترجمہ، قصیدہ اور نظم سے ہوا۔ اس کے بعد برکاتِ خلافت، خلیفہ خدا بناتا ہے، خلافت کے قیام کی پیشگوئیوں کے موضوعات پر تقاریر پیش کی گئیں۔ دوران ماہ جہاں تمام جماعتوں میں خطباتِ جمعہ اور دروس کے موضوعات کا محور خلافت رہا، وہاں ریڈیو پر بھی مختلف پروگرامز خلافت کے حوالے سے پیش کیے گئے جن میں خلافت اتحاد کا واحد ذریعہ ہے اور برکاتِ خلافت کے موضوع پر خاص طور پر توجہ دلائی گئی۔ حضرت مسیح موعودؑ اور خلفائے کرام کے بابرکت ارشادات ان تمام پروگرامز اور تقاریر کا منبع رہے۔ خدا تعالیٰ کے فضل سے ملک بھر کی۶۷؍جماعتوں کو جلسہ یومِ خلافت منعقد کرنے کی توفیق ملی اور ۷؍ہزار ۸۶۰؍سے زائد شاملین مستفید ہوئے۔ اس طرح مختلف ریجنز میں خلافت کے حوالے سے ۴؍سے زائد ریڈیو پروگرامز کا انعقاد کیا گیا جن کے اندازاً تین لاکھ افراد سامعین ہیں۔ اللہ تعالیٰ اپنے خاص فضل سے ہمیں برکات خلافت سے بھرپور حصّہ عطافرمائے اور ہم سب کو خلافت احمدیہ کا سلطان نصیر بننے کی توفیق دے۔ آمین (رپورٹ:زاہد احمد بھٹی۔ مبلغ سلسلہ گنی بساؤ) ٭…٭…٭ مزید پڑھیں: مدرسۃالحفظ برکینا فاسو کے چوتھے طالب علم کا تکمیل حفظ قرآن کریم
