https://youtu.be/8deEHf8XgDc اللہ تعا لیٰ کے فضل وکرم سے جماعت احمدیہ بیلجیم کو امسال بھی جلسہ یوم مسیح موعود منعقدکرنےکی توفیق ملی۔ الحمدللہ مورخہ ۲۲تا ۲۴؍مارچ کے دوران ملک کی کُل ۱۴؍جماعتوں میں جلسہ ہائے یوم مسیح موعود منعقد کیے گئے۔ ۱۲؍جماعتوں نے مورخہ ۲۳؍مارچ بروز ہفتہ ہی جلسے منعقد کیے جبکہ دو جماعتوں نے مورخہ ۲۲ اور ۲۴؍مارچ کو جلسے منعقد کیے۔ ایک جماعت نے آن لائن جلسہ منعقد کیا۔ ان تمام جلسوں میں مسیح کی آمد ثانی، مسیح موعود کا نزول، ضرورت امام مہدی، صداقت حضرت مسیح موعودؑ اور حقوق اللہ وحقوق العباد کا قیام جیسے موضوعا ت پر تقاریر کی گئیں۔ بعض جماعتوں میں احباب نے ان موضوعات پر مقامی زبان میں پریزنٹیشنز دیں اور بچوں نے بھی تقاریر کیں۔ان جلسہ جات میں پروگرام کے رواں ترجمہ کا بھی انتظام کیا گیا تھا۔ اس سال رمضان المبارک کی برکتوں کے باعث جلسہ یوم مسیح موعود میں احباب جماعت کی حاضری بہت بہتر رہی۔ اسّی فیصد سے زائد احباب جماعت نے شرکت کی۔ (رپورٹ: چودھری طاہراحمد گِل۔ نمائندہ الفضل انٹرنیشنل)
