جو دیں سے کرے دُور وہ توقیر بھی فتنہتعمیر بھی، جاگیر بھی، شمشیر بھی فتنہ جو تُجھ کو تری ذات کی پہچان بُھلا دےاُس نیکی کی اِس درجہ یہ تشہیر بھی فتنہ آنگن میں کسی کنبے کو تقسیم کرے جواُس بیچ کی دیوار کی تعمیر بھی فتنہ دنیا کے جو سب رسم و رواجوں کو مٹا دےپہنائی ہوئی رسم کی زنجیر بھی فتنہ دل بھول نہ پائے جسے اک لمحہ بھی سُن لووہ دل میں بنی یار کی تصویر بھی فتنہ جو چبھنے لگے آنکھ میں یوں خار کی ماننداُس درد بھرے خواب کی تعبیر بھی فتنہ جو زندگی کو موت کی خندق میں گرا دےاُس گھر کے مسیحا کی وہ تاخیر بھی فتنہ جو دل کے اندھیروں کو اُجالوں میں نہ بدلےاُن غم کے چراغوں کی ہے تنویر بھی فتنہ سُن کے جسے بشریٰؔ جی بھڑک جائیں گے جذباتنفرت بھری مُلاں کی وہ تقریر بھی فتنہ
