اے قادیاں دارالاماں

روح کے تاروں کو یوں چھیڑے صدائے قادیاں

اپنی جانب خوشبوئے ایماں بُلائے قادیاں

باعثِ امن و محبت، چشمۂ امن و اماں

قادیاں دارالاماں اے قادیاں دارالاماں

حق کے اے متلاشیو، آؤ کہ یاں حق ہے عیاں

نور سے پر نور یہ بستی ہے ہر دم ضو فشاں

نیکو کاروں، صدق والوں کی ہے یہ اک کہکشاں

قادیاں دارالاماں اے قادیاں دارالاماں

ظلمتِ شب کو کِیا مثلِ سحر یوں ضو فگن

اس طرف لوگوں کو دِکھلا کر کِیا سب کو مگن

ہے یہ بستی کا منارِ نور اک زندہ نشاں

قادیاں دارالاماں اے قادیاں دارالاماں

میکدہ ہے عشق کا یہ دل کا یہ بازار ہے

یاں سبھی کے دل میں بستا پیار ہی بس پیار ہے

یہ اخوت، یہ محبت کا ہے جوشِ بیکراں

قادیاں دارالاماں اے قادیاں دارالاماں

یوں اڑائے روح میری اب ہوائے قادیاں

اک نئی روحِ رواں دے ہے صبائے قادیاں

فرش سے دل عرش تک بھی لے کے جائے قادیاں

قادیاں دارالاماں اے قادیاں دارالاماں

رحمتوں سے، برکتوں سے پُر ہوا تیرا مقام

شان و عظمت، حسنِ عالم تاب سے تیرے مدام

ہو سلامت با کرامت اے زمینِ قدسیاں

قادیاں دارالاماں اے قادیاں دارالاماں

(فہیم احمد۔میانمار)