متفرق شعراء
جلسہ سالانہ برطانیہ 2019
![](https://www.alfazl.com/wp-content/uploads/2019/08/image-23.png)
ظلم سب چھٹ رہے تھے جلسے پر
فاصلے گھٹ رہے تھے جلسے پر
دل میں اک نور اترتا جاتا تھا
پردے سب ہٹ رہے تھے جلسے پر
دل بہ دل سب جڑے ہوئے تھے واں
لمحے جو کٹ رہے تھے جلسے پر
جھولیاں بھر کے لوگ لوٹے ہیں
فیض ہی بٹ رہے تھے جلسے پر
پھول ہی پھول تھے حدیقے میں
راستے اَٹ گئے تھے جلسے پر
پیارے آقا کو دیکھ کر خادم
اور بھی ڈَٹ رہے تھے جلسے پر