مدرسۃ الحفظ سیرالیون کے پانچویں طالب علم کا تکمیلِ حفظِ قرآن کا اعزاز

محض اللہ تعالیٰ کے فضل سے مورخہ ۸؍جون ۲۰۲۴ء بروز ہفتہ مدرسۃ الحفظ سیرالیون کے طالبعلم عزیزم محمد عثمان ییلا نے مدرسۃ الحفظ کے پانچویں حافظ قرآن ہونے کا بابرکت اعزاز اپنے نام کیا۔ فالحمدللہ

عزیزم مکرم عثمان ییلا (Osman Yillah) صاحب آف لنگی کے صاحبزادے ہیں اور ان کا تعلق سیرالیون کی جماعت بائیلور (Bailor) لنگی (Lungi) ریجن سے ہے۔ ایک سال آٹھ ماہ اور آٹھ دن میں خاکسار (استاد مدرسۃ الحفظ سیرالیون) کی زیرِ نگرانی قرآن کریم کا حفظ مکمل کیا۔ مورخہ ۸؍جون کو جامعۃ المبشرین سیرالیون میں ایک مختصر دعائیہ تقریب میں مکرم عقیل احمد صاحب ریجنل مشنری Bo نے آخری سبق سنا۔

عزیزم کو دورانِ تعلیم دو سال رمضان المبارک میں اپنے ریجن کے علاوہ Makeni ریجن میں نماز تراویح پڑھانے کی توفیق ملی۔

اِس وقت زیرِ تعلیم طلبہ کی کُل تعداد ۱۵؍ ہے جن میں ۱۴؍کا تعلق سیرالیون سے ہے جبکہ ایک طالبعلم پاکستانی ہیں۔

(رپورٹ : حافظ اسداللہ وحید مربی سلسلہ و استاد مدرسۃ الحفظ سیرالیون)