احبابِ جماعت کے لیے پُرسوز دعائیں

منظوم کلام حضرت مصلح موعودؓ

بڑھتی رہے خدا کی محبت خدا کرے

حاصل ہو تم کو دید کی لذت خدا کرے

توحید کی ہو لب پہ شہادت خدا کرے

ایمان کی ہو دل میں حلاوت خدا کرے

پڑ جائے ایسی نیکی کی عادت خدا کرے

سرزد نہ ہو کوئی بھی شرارت خدا کرے

حاکم رہے دلوں پہ شریعت خدا کرے

حاصل ہو مصطفےٰؐ کی رفاقت خدا کرے

مِٹ جائے دل سے زنگِ رذالت خدا کرے

آجائے پھر سے دورِ شرافت خدا کرے

مل جائیں تم کو زہد و امانت خدا کرے

مشہور ہو تمہاری دیانت خدا کرے