حضرت خلیفۃ المسیح الخامس ایدہ اللہ کی مصروفیات

مورخہ 14تا 20؍نومبر 2022ء کے دوران حضرت خليفۃ المسيح الخامس ايدہ اللہ تعاليٰ بنصرہ العزيز کي گوناگوں مصروفيات میںسے چند ايک کی جھلک ہديۂ قارئين ہے:

٭…17؍نومبر بروز جمعرات: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرمہ امۃالکبیر احمدی صاحبہ اہلیہ مکرم محمد اظہر احمدی صاحب (جلنگھم۔ یوکے) کی نمازِ جنازہ حاضر اور سات مرحومین کی نمازِ جنازہ غائب پڑھائی۔

٭…18؍نومبر بروز جمعۃ المبارک: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد، ٹلفورڈ(سرے)، یوکے ميں خطبہ جمعہ ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔

حضور انور نے اپنے خطبہ جمعہ میں آنحضرتﷺ کے عظیم المرتبت خلیفۂ راشد حضرت ابوبکر صدیق رضی اللہ تعالیٰ عنہ کے اوصافِ حمیدہ کا تذکرہ فرمایا۔

٭…19؍نومبر بروز ہفتہ: آج گیمبیا کے وزیر اطلاعات مکرم لامین جامع صاحب اور گیمبیا کے نیشنل ٹی وی (GRTS)کے ایک وفد کی حضور انور کے ساتھ ملاقات تھی۔ اس وفد نے جماعت احمدیہ کے GRTS اور ملک کے ساتھ باہمی تعاون پر حکومت کی جانب سےاظہار ِتشکر کے لیے یوکے کا دورہ کیا اور حضور انور سے ملاقات کا شرف پایا۔

٭…20؍نومبر بروز اتوار: آج دوپہر بارہ بجے مجلس اطفال الاحمدیہ سویڈن کی حضور انور کے ساتھ آن لائن ملاقات ہوئی۔

اَللّٰھُمَّ اَیِّدْ اِمَامَنَا بِرُوْحِ الْقُدُسِ وَ کُنْ مَعَہٗ حَیْثُ مَا کَانَ وَانْصُرْہُ نَصْرًا عَزِیْزًا