متفرق

آلو کے نرگسی کوفتے

اجزاء

چھوٹے سائز کے ابلے ہوئے آلو ………………… 4 عدد

بکرے کا قیمہ……………………………………250گرام

تیل ……………………………………………………ایک کپ

ہلدی…………………………………………ایک چائے کا چمچ

پیاز……………………………………………چھوٹے دو عدد

ہری مرچ …………………………………………………دو عدد

دہی ……………………………………………………آدھا کپ

گرم مصالحہ…………………………………ایک چائے کا چمچ

ادرک لہسن کا پیسٹ ……………………دو کھانے کے چمچ

لال پسی مرچ اور کٹی ہوئی لال مرچ ………………دو چمچ

دھنیا پائوڈر……………………………………………ایک چمچ

بریڈ کا پیس ……………………………………………ایک عدد

ٹماٹر پیوری ……………………………………………تین چمچ

ہرا دھنیا ……………………………………………حسب ذائقہ

نمک ………………………………………………حسب ذائقہ

(پیاز تلے ہوئے بھی استعمال کیے جا سکتے ہیں)

ترکیب

آلو ابال کر چھلکے اتار لیں ۔

قیمہ ،تمام مصالحہ جات کا آدھا آدھا چمچ ،بریڈ کا پیس اور ہری مرچ گرائینڈر میں ڈال کر پیس لیں ۔

اب اس میں تازہ باریک کٹا ہوا دھنیا مکس کریں اور اس قیمہ کے مکسچر کو آلوئوں پر چڑھا دیں ۔

ایک پین میں تیل ڈالیں اور جب تیل تھوڑا گرم ہو جائے تو اس میں کوفتے ڈال کر پین کو ہاتھ سے پکڑ کر کوفتوں کو تقریباً پانچ منٹ تک ہلاتے رہیں تاکہ کوفتے ہلکے برائون ہو جائیں۔ اب ان کو باہر کسی پلیٹ میں نکال کر رکھ لیں ۔ اسی تیل میں تین چمچ تلے ہوئے پیاز ڈالیں اور ساتھ ہی لہسن ادرک کا پیسٹ اور بقیہ تمام مصالحہ جات ڈال دیں ۔ساتھ ہی دہی اور ٹماٹر پیوری ڈال کر اچھی طرح بھون لیں ۔جب مصالحہ بھن جائے تو اس میں دو کپ پانی شامل کر کے کوفتے ڈال دیں ۔آنچ تیز کر دیں اور دس منٹ تک پکائیں ۔

مزیدار آلو کے نرگسی کوفتے تیار ہیں ۔آخر میں ہرا دھنیا اور ہری مرچ ڈال کر نان یا چاول کے ساتھ پیش کریں۔

٭…٭…٭

مزید دیکھیں

متعلقہ مضمون

رائے کا اظہار فرمائیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Check Also
Close
Back to top button
Close