ادبیات

جمیل الرحمان کی غزلوں کی کتاب’کوئے بازگشت‘ سے چند منتخب اشعار

(جمیل الرحمٰن)

ہماری خامشی کو سب نے بے بسی سمجھا

خبر کسے تھی کہ ہم حالتِ دعا میں رہے

نماز عشق ادا کی اگرچہ مہر بلب

جمیل سجدے میں باتیں ہزار کر آئے

لوحِ دعا بنا لیا سارے وجود کو

جب آرزوئے وصل ہی منظر میں رہ گئی

سو جنم قربان کردیں ہم رضائے یار پر

وہ میسر ہو تو پل کی زندگی بھی کم نہیں

پڑی نہیں ہے ابھی تک نگاہ مُرشد کی

وگرنہ اس کی توجہ سے کیا نہیں ملتا

متعلقہ مضمون

رائے کا اظہار فرمائیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button