اللہ تعالیٰ کے فضل سے مجلس انصار اللہ ڈنمارک کو تیسری مرتبہ ڈنمارک میں ’جسم، دماغ اور روح‘ کے موضوع پر منعقد کیے جانےوالے ایک میلے میں شرکت کرنے کی توفیق ملی۔ اس میلے کا انعقاد مورخہ۳۱؍جنوری تا ۲؍فروری ۲۰۲۵ء برانڈبی، کوپن ہیگن میں واقع ایک سٹیڈیم کے ہال میں کیا گیا جس میں ۱۰۰؍سے زائد اداروں و مذہبی تنظیموں نے شمولیت کی۔ اس میلے کی خاص بات یہ ہے کہ اس پر آنے والے اکثر روحانی اور جسمانی امور کے بارے میں معلومات حاصل کرنے کے متلاشی نظر آتے تھے۔ اللہ تعالیٰ کے فضل سے مجلس انصار اللہ ڈنمارک کو امسال اس میلے میں تینوں دن شرکت کی توفیق ملی۔ انصار اور خدام مختلف اوقات میں سٹال پر ڈیوٹیاں دیتے رہے اور سٹال پر آنے والے مہمانان کو اسلام احمدیت کا پیغام پہنچاتے رہے۔ پانچ ہزار سے زائد لوگوں نے اس میلے کو دیکھا۔ ہال میں داخلے کے لیے ۱۴۰؍کرونز کا ٹکٹ مقرر تھا۔ الحمدللہ، یہ تبلیغی سٹال بہت کامیاب رہا۔ کئی افرادنے قرآن مجید کا نسخہ اور دیگر لٹریچر بھی حاصل کیا۔ اللہ تعالیٰ تمام شاملین اور کارکنان کو جزائے خیر عطا فرمائے۔ آمین (رپورٹ:اکرم محمود۔ نمائندہ الفضل انٹرنیشنل) مزید پڑھیں: سویڈن میں منعقدہ یُوک مُوک میلہ میں تین روزہ تبلیغ سٹال کا اہتمام
