https://youtu.be/ilvk_U0dgXI?t=208 حضرت مفتی محمد صادق صاحبؓ بیان کرتے ہیں کہ ایک دن میں قرآن شریف لے کر حضرت مولوی نورالدین صاحبؓ کا درس سننے کے واسطے اپنے کمرے کے دروازے سے نکل رہا تھا کہ حضرت مسیح موعودؑ نے مجھے بلایا اور فرمایا میری آنکھوں کو تکلیف ہے، آپ مجھے آج اخبار سنا دیں۔ حضور اخبارِ عام روزانہ، باقاعدہ روزانہ منگوایا کرتے تھے اور پڑھتے تھے۔ اوپر کے صحن میں عاجِز راقم حضرت کے سامنے بیٹھ گیا اور میرا لڑکا عبدالسلام اُس وقت قریباً دو سال کا تھا۔ یہ بھی میرے پاس بیٹھا تھا اور جیسا کہ بچوں کی عادت ہے۔ بیٹھا ہوا ہلنے لگا اور ہُوں ہُوں کرنے لگا جیسا کچھ پڑھتا ہے میں نے اُسے روکا کہ چپ بیٹھو۔ حضور نے فرمایا: اُسے مت روکو! جو کرتا ہے کرنے دیں۔ (ذکرِ حبیب از حضرت مفتی محمد صادق صاحبؓ۔ صفحہ87) (مشکل الفاظ کے معنی: راقِم: لکھنے والا)
