۷؍نومبر جمعۃ المبارک کو صبح کے وقت فضا میں خنکی موجود تھی۔ آسمان صاف ہونے کی وجہ سے دھوپ دن بھرچمکتی رہی۔ ہفتہ کو صبح کے وقت زیادہ خنکی تھی، ہوا بند اور آسمان صاف تھا۔ سارا دن سورج نکلا رہا اور دھوپ پھیلی رہی۔ شام کے وقت موسم سرد رہا کیونکہ ہوا کی وجہ سے خنکی بن گئی۔ یہ ہفتہ بھی مجموعی طور پر ایک جیسا تھا۔ یعنی موسم اب ٹھنڈ کی طرف مائل ہوگیا ہے، صبح اور شام کے وقت خنکی ہوجاتی ہے۔ خنکی اب آہستہ آہستہ بڑھتی جا رہی ہے، آسمان صاف ہونے سےیعنی بادلوں کی غیر موجودگی میں موسم خشک رہا۔ اتوار کو ہلکی ٹھنڈی ہوا دن بھر چلتی رہی۔ جس سے موسم خوشگوار ہوگیا۔ اس ہفتہ میں صبح اور رات کے اوقات میں سردی بڑھ جاتی تھی اور دن بھر دھوپ رہتی۔ سوموار کو ہوا چلتی رہی۔ جس کی وجہ سے سردی میں اضافہ ہوگیا۔ سردی کا یہ سلسلہ جمعرات تک جاری رہا۔ لوگوں نے اب سویٹر اور جیکٹیں وغیرہ پہننا شروع کردی ہیں اور کھیسوں سے رضائیوں کی طرف آ گئے ہیں۔ تاہم موسم خشک ہونے کی وجہ سے دن بھر دھوپ ہوتی ہے جس سے ٹھنڈا موسم خوشگوار ہوجاتا ہے۔ اس ہفتہ میں ٹمپریچر زیادہ سے زیادہ ۲۵؍ اور کم سے کم ۱۱؍ درجہ سینٹی گریڈ تھا۔ (ابو سدید)
