۲۸؍نومبر جمعۃ المبارک کو صبح کے وقت موسم سرما کی روایتی ٹھنڈبراجمان تھی ۔ اُس دن آسمان صاف تھا اس لیے دن بھر دھوپ رہی، سردی سے بچنے کے لیے آج کل یہاں دھوپ میں بیٹھ کر دن گزارےجا رہے ہیں اور لوگ دن بھر کے امور کھلے آسمان تلے انجام دیتے اور دھوپ سے لطف اندوز ہوتے ہیں۔ ہفتہ کو بھی صبح کے وقت زیادہ خنکی بن گئی تھی، ہوا ہلکی تھی اور آسمان صاف ہونے کی وجہ سےسارا دن سورج چمکتا رہا اور دھوپ موجود رہی ۔ شام کے وقت موسم سرد رہا کیونکہ ہوا کی وجہ سے خنکی ہو گئی تھی۔ یہ ہفتہ بھی مجموعی طور پر ایک جیسا تھا۔ موسم میں اب سردی زیادہ ہوگئی ہے۔ صبح اور شام کے وقت کافی ٹھنڈ ہوجاتی ہے ۔ سردی اب ربوہ میں ڈیرے ڈال چکی ہے ، آسمان صاف ہونے سےیعنی بادلوں کی غیر موجودگی میں موسم خشک رہا ۔اس خشک موسم کی وجہ سے آجکل ربوہ میں نزلہ زکام اور گلے کی بیماریاں زیادہ پھیل رہی ہیں ۔لوگ بارش کی دعا اور خواہش کر رہے ہیں۔ اللہ تعالیٰ جلد اپنی رحمت کا بادوباراں برسائے۔ اتوار کو ہلکی ٹھنڈی ہوا دن بھر چلتی رہی ۔ جس سے موسم مزید سرد ہوگیا۔سوموار کو بھی موسم کی یہی کیفیت رہی۔ منگل سے جمعرات تک ایسا ہی موسم رہا اور ٹھنڈ میں اضافہ ہو گیا۔ ان تین دنوں میں صبح اور شام کے وقت ہلکی دھند بھی دیکھنے کو ملی، جس سے سردی میں کافی اضافہ ہوگیا۔سردی کا یہ سلسلہ جمعرات تک جاری رہا ، تاہم بادلوں کی غیر موجودگی کی وجہ سے دن بھر دھوپ ہوتی ہے جس سے دن کے وقت ٹھنڈا موسم خوشگوار ہوجاتا ہے لیکن پھر بھی اوپر سے کچھ گرم پہننے کی ضرورت ہوتی ہے ۔ اس ہفتہ میں ٹمپریچر زیادہ سے زیادہ ۲۱؍ اور کم سے کم ۷؍درجہ سینٹی گریڈ رہا۔(ابو سدید)
