حضرت مصلح موعودؓ فرماتے ہیں:‘‘سب سے پہلے میں یہ بیان کرنا چاہتا ہوں کہ یہ مجلس جس کو پرانے نام کی وجہ سے کارکن کانفرنس کے نام سے یاد کرتے رہے ہیں کیا چیز ہے؟ قرآن کریم سے معلوم ہوتا ہے کہ مسلمانوں کا شیوہ یہ ہے کہ اَمۡرُہُمۡ شُوۡرٰی بَیۡنَہُمۡ (الشوریٰ:۳۹)اپنے معاملات میں مشورہ لے لیا کریں۔ مشورہ بہت ضروری اور مفید چیز ہے اور بغیر اس کے کوئی کام مکمل نہیں ہوسکتا۔ اس مجلس کی غرض کے متعلق مختصر الفاظ میں یہ کہنا چاہئے کہ ایسی اغراض جن کا جماعت کے قیام اور ترقی سے گہرا تعلق ہے ان کے متعلق جماعت کے مختلف لوگوں کو جمع کرکے مشورہ لے لیا جائے تا کہ کام میں آسانی پیدا ہوجائے یا ان احباب کو ان ضروریات کا پتہ لگے جو جماعت سے لگی ہوئی ہیں تو یہ مجلس شوریٰ ہے۔ میں پورے طور پر تو نہیں کہہ سکتا کہ باہر کی کانفرنسیں کن اغراض کے لئے منعقد ہوتی ہیں مگر یہ مجلس شوریٰ ہے۔’’ (خطابات شوریٰ، جلد اول صفحہ ۳-۴) مزید پڑھیں: مجلس انصاراللہ کینیا کی سالانہ نیشنل تربیتی کلاس، اٹھارھویں نیشنل سالانہ اجتماع ۲۰۲۵ء اور مجلس شوریٰ کا با برکت انعقاد
