https://youtu.be/Cifw6bijuZE?si=C79gpulmJASN24av&t=2798 جیبیں گڈو میاں اپنی خالہ کے ہاں دعوت میں گئے ۔ کھانا کھا چکے تو خالہ نے کہا : گڈو بیٹا، شرماؤ مت ۔ اورکھاؤ۔ گڈو میاں بولے: بس خالہ جان ، منہ تک پیٹ بھر گیا ہے ۔ اب جگہ نہیں ہے۔ خالہ بولیں: اچھا تو یہ تھوڑے سے انگور جیب میں رکھ لو۔ رستے میں کھا لینا۔ گڈو میاں بولے: شکریہ خالہ جان ۔جیبیں بھی منہ تک بھر گئی ہیں ۔ میرا دوست بھائی: آج ٹیچر نے میرا ہوم ورک پڑھ کرسزا دی اور انہیں معلوم ہوگیا کہ میرا ہوم ورک آپ نے کیا تھا۔ بہن: انہیںکیسے معلوم ہوا؟ بھائی: آپ نے دوست پر مضمون میں اپنی سہیلی کے بارے میں لکھ دیا تھا۔ ربڑ ٹیچر: کوئی لمبا لفظ بتاؤ؟ طالبعلم: ربڑ۔ ٹیچر: اس کے تو تین حروف ہیں۔ طالبعلم: ربڑ کو آپ جتنا چاہے لمبا کرسکتے ہیں۔ چھلکا ڈاکٹر: آپ کو وٹامن کی کمی کی شکایت ہے۔ آپ ایسے پھل استعمال کریں جنہیں چھلکے سمیت کھایا جاسکتا ہے۔ ویسے آپ کو کون سا پھل پسند ہے؟ مریض: ناریل۔ دماغی نوٹس ٹیچر: ہوم ورک میں تم نے بس عنوان لکھا ہے، باقی حصہ کہاں ہے؟ فہد: سر، باقی دماغ میں ہے، زبانی سن لیں! مٹھائی کی دکان امی : بیٹے کاشف ، میں تمہیں ایک کام کے لیے بازار بھیجنا چاہتی ہوں۔ کاشف : بہت تھکا ہوا ہوں نہیں جا سکتا۔ امی : تمہیں مٹھائی کی دکان تک جانا ہوگا۔ کاشف : (خوش ہو کر) وہ تو زیادہ دُور نہیں ہے۔ امی (پیسے پکڑاتے ہوئے): مٹھائی کی دُکان کے پاس ہی جھاڑو والا بیٹھا ہے۔ اُس سے ایک جھاڑولے آنا۔ خفیہ رکھیں بینک مینیجر: آپ کو اپنا پاسورڈ یاد ہے ناں؟ بے وقوف: جی، confidential مینیجر: اتنا آسان پاسورڈ! بے وقوف: وہاں لکھا تھا کہ پاسورڈ confidential رکھیں۔
