حضرت ابو ہریرہ ؓ سے روایت ہے کہ جب رسول اللہ صلی اللہ علیہ وسلم نے مکہ فتح کیا، تو آپ نے بیت اللہ کا طواف کیا اور دو رکعت نماز ادا کی، پھر آپ کعبہ کے دروازے پر تشریف لائے اور اس کے دونوں بازوؤں (چوکھٹ) کو پکڑ کر فرمایا : تم لوگ کیا کہتے ہو اور میرے بارے میں کیا گمان رکھتے ہو؟ انہوں نے جواب دیا : آپ ہمارے بھتیجے ہیں اور چچا زاد ہیں اور بردبار اور رحم کر نے والے ہیں۔ آپ صلی اللہ علیہ وسلم نے فرمایا : میں وہی کہوں گا جو یوسف نے کہا تھا لَاتَثْرِیْبَ عَلَیْکُمُ الْیَوْمَ فَاذْھَبُوْا اَنْتُمُ الطُّلَقَآءُ آج تم پر کوئی الزام نہیں ، جاؤ تم آزاد ہو۔ چنانچہ وہ لوگ یوں باہر نکلے گویا قبروں سے زندہ ہو کر نکلے ہوں اور جوق در جوق دائرۂ اسلام میں داخل ہونے لگے۔ (الدر المنثور السيوطي - جلال الدين عبد الرحمٰن بن أبي بكر السيوطي جلد ۸ صفحہ ۳۲۳) مزید پڑھیں: اللہ تعالیٰ کے نزدیک بہترین ساتھی کون ہیں
