الله تعالیٰ کے فضل سے مورخہ ۱۰؍جون ۲۰۲۵ء کو جماعت احمدیہ فن لینڈ کے ایک وفد نے شہر Kouvola کی میئر Marita Toikka صاحبہ سے ملاقات کی۔ وفد میں مکرم عطاءالغالب صاحب نیشنل صدر جماعت احمدیہ فن لینڈ، مکرم شاہد محمود کاہلوں صاحب مبلغ انچارچ، مکرم وقار جاوید صاحب نیشنل سیکرٹری وصایا اور مکرم حنان احمد صاحب شامل تھے۔ ملاقات کے دوران وفد نے میئر صاحبہ کو جماعت احمدیہ کا تعارف پیش کیا اور قیامِ امن، بین المذاہب ہم آہنگی اور سوشل ویلفیئر کے میدان میں جماعت کی خدمات پر روشنی ڈالی۔ حضور انور ایدہ اللہ تعالیٰ بنصرہ العزیز کی عالمی سطح پر قیامِ امن کے لیے کی جانے والی کوششوں کا بھی ذکر کیا گیا جسے موصوفہ نے سراہا۔ ملاقات کے اختتام پر میئر صاحبہ کو قرآن کریم کا فنش ترجمے کے ساتھ ایک نسخہ تحفۃً پیش کیا گیا۔ اسی روز وفد نے شہر کے مرکزی چرچ کا دورہ بھی کیا جہاں چرچ کے پادری صاحب کو بھی قرآن کریم کا فنش ترجمے والا نسخہ بطور تحفہ پیش کیا گیا۔ بعد ازاں وفد نے Kouvolaکی لائبریری کا دورہ کیا جہاں لائبریری کی اسسٹنٹ Marjo Lahdenranta صاحبہ سے ملاقات ہوئی۔ لائبریری کی ہیڈ چونکہ موجود نہیں تھیں لہٰذا اسسٹنٹ کے ذریعے قرآن کریم کا فنش ترجمے والا نسخہ لائبریری ہیڈ کے لیے بطور تحفہ پیش کیا گیا۔ قرآن کریم کو لائبریری کی کلیکشن میں بھی شامل کیا گیا۔ الحمدللہ، یہ ملاقاتیں اور دورے نہایت بابرکت اور مؤثر ثابت ہوئے جن کے ذریعے جماعت کا پیغام امن، ہم آہنگی اور خدماتِ انسانیت مؤثر انداز میں مختلف طبقات تک پہنچانے کی توفیق ملی۔ (رپورٹ:فرخ اسلام۔نمائندہ الفضل انٹرنیشنل) ٭…٭…٭ مزید پڑھیں: جماعت احمدیہ ڈنمارک میں جلسہ یوم خلافت کا بابرکت انعقاد
