مورخہ ۸ تا ۱۵؍جون ۲۰۲۵ء کے دوران حضرت خليفۃ المسيح الخامس ايدہ اللہ تعاليٰ بنصرہ العزيز کي گوناگوں مصروفيات میں سے چند ايک کی جھلک ہديۂ قارئين ہے: ٭…۸؍جون بروز اتوار: حضور انور ايدہ اللہ تعاليٰ بنصرہ العزيز نے آج دوپہر بارہ بجے اپنے دفتر سے باہر تشریف لاکر مکرمہ امۃ المومن صاحبہ اہلیہ مکرم محمد لطیف صاحب (وولورہیمپٹن۔ یوکے) اور مکرمہ کنیز اختر صاحبہ اہلیہ مکرم محمد اسلم وریا صاحب مرحوم (لندن ۔یوکے) کی نماز جنازہ حاضر اور پانچ مرحومین کی نماز جنازہ غائب پڑھائی۔ ٭… ۱۰؍جون بروز منگل: آج جرمن صحافی، مؤرخ اور امن کے داعی جناب Reiner Braunکو حضور انور نے اپنے دفتر میں شرف ملاقات بخشا۔ ٭…۱۳؍جون بروز جمعۃ المبارک: حضورِ انور ايدہ اللہ تعاليٰ بنصرہ العزیز نے آج مسجد مبارک، اسلام آباد یوکے ميں خطبہ جمعہ ارشاد فرمايا جو ايم ٹي اے کے مواصلاتي رابطوں نيز يوٹيوب اور ديگر ميڈيا پليٹ فارمز کے ذريعہ ساري دنيا ميں سنا اور ديکھا گيا۔ (خلاصہ خطبہ جمعہ کے لیے ملاحظہ فرمائیں الفضل انٹرنیشنل ۱۶؍جون ۲۰۲۵ء) ٭…حضور انور نے آج شام کو اسلام آباد کے مختلف حصوں کا راؤنڈ فرمایا اور اس موقع پر موجود بچوں میں چاکلیٹس تقسیم فرمائیں۔ ٭…۱۴؍جون بروز ہفتہ: آج سینیگال کے صوبہ تھیئس کے گورنر جناب سیا انڈاؤ کو حضور انور نے اپنے دفتر میں شرف ملاقات بخشا۔ ٭…اسی طرح آج ڈنمارک سے آئے ہوئےخدام، اطفال اور انصار کے ایک وفد کو حضور انور نے اپنے دفتر میں شرف ملاقات بخشا۔ ٭…۱۵؍جون بروز اتوار: آج اراکین نیشنل عاملہ مجلس انصار اللہ ہالینڈ اور زعماء مجالس کو حضور انور نے ایم ٹی اے سٹوڈیوز اسلام آباد میں شرف ملاقات بخشا۔ اس ہفتہ کے دوران حضورِانور نے متعدد دفتری و ذاتی ملاقاتیں فرمائیں۔ دفتری ملاقات کی سعادت پانے والے احباب نے اپنے پیارے امام سے متفرق امور کی بابت ہدایات اور راہنمائی حاصل کرنے کی توفیق پائی۔ اَللّٰھُمَّ اَیِّدْ اِمَامَنَا بِرُوْحِ الْقُدُسِ وَ کُنْ مَعَہٗ حَیْثُ مَا کَانَ وَانْصُرْہُ نَصْرًا عَزِیْزًا ٭…٭…٭ مزید پڑھیں: حضرت خلیفۃ المسیح الخامس ایدہ اللہ تعالیٰ بنصرہ العزیز کی مصروفیات
