اللہ تعالیٰ کے فضل و کرم سے مجالس ہائے انصاراللہ ٹورانٹو ویسٹ، کینیڈا کا جلسہ یوم خلافت مورخہ ۲۷؍اپریل ۲۰۲۵ء کو ریکسڈیل کے نماز سنٹر میں منعقد ہوا۔ جلسہ کا آغاز تلاوت قرآن کریم، عہد، حدیث نبویﷺ، اقتباس از ملفوظات اور نظم سے ہوا۔ اس کے بعد ان موضوعات پر تقاریر ہوئیں:’’جماعت احمدیہ کی دو قدرتیں‘‘ از مکرم ساجد منور صاحب، ایک ترانہ کے بعد ’’خلافت سے تعلق‘‘ بزبان انگریزی از مکرم ارشد باجوہ صاحب ناظم اعلیٰ انصار اللہ ٹورانٹو ویسٹ اور ’’خلافت کی مکمل اطاعت‘‘ از مکرم ہادی علی چودھری صاحب مربی سلسلہ و نائب امیر جماعت احمدیہ کینیڈا۔ جلسہ کے دوران حضرت مصلح موعودؓ کی آواز میں تقریر ’’اے آسمانی بادشاہت کے موسیقارو!‘‘ سنائی گئی، نیز خلفائے کرام کی آوازوں میں مختلف ویڈیو تقاریر کے منتخب حصے بھی پیش کیے گئے جنہیں حاضرین نے بڑے انہماک اور دلچسپی سے سنا۔ جلسہ کا اختتام سوال و جواب کی نشست اور دعا کے ساتھ ہوا جس کے بعد نماز مغرب و عشاء ادا کی گئیں۔ الحمدللہ، اس جلسہ میں ۱۸۵؍انصار، ۷؍خدام اور ۳؍اطفال نے شرکت کی۔ بعد ازاں تمام حاضرین کی خدمت میں عشائیہ کے طور پر کھانے کے ڈبے پیش کیے گئے۔ (رپورٹ: ناصر احمد وینس۔ نمائندہ الفضل انٹرنیشنل) مزید پڑھیں: جنوبی بیلیز میں مسجد، ’بیت اللطیف‘ کا بابرکت افتتاح
