محاسنِ قرآنِ کریم

ہے شُکرِ ربِّ عَزّ و جَلّ خارج از بیاں
جس کے کلام سے ہمیں اس کا مِلا نشاں

وہ روشنی جو پاتے ہیں ہم اس کتاب میں
ہو گی نہیں کبھی وہ ہزار آفتاب میں

اس سے ہمارا پاک دل و سینہ ہو گیا
وہ اپنے مُنہ کا آپ ہی آئینہ ہو گیا

اُس نے درختِ دِل کو معارف کا پھل دیا
ہر سینہ شک سے دھو دیا ہر دِل بدل دیا

اُس سے خدا کا چہرہ نمودار ہو گیا
شیطاں کا مکر و وَسوسہ بے کار ہو گیا

(براہین احمدیہ حصہ پنجم، روحانی خزائن جلد 21 صفحہ11)