افریقہ (رپورٹس)کچھ جامعات سے

سالانہ ورزشی مقابلہ جات جامعہ احمدیہ تنزانیہ

(شہاب احمد۔ نمائندہ الفضل انٹرنیشنل تنزانیہ)

جامعہ احمدیہ تنزانیہ میں طلبہ کی تعلیم و تربیت کے ساتھ ساتھ ان کی صحت پر بھی توجہ دی جاتی ہے۔ اسی بنا پر کھیل، جامعہ کی سرگرمیوں کا ایک اہم اور لازمی جزو ہیں۔ جامعہ میں طلبہ کی جسمانی نشو ونما اور صحت کا خیال رکھنے کے لیے روزانہ بعد نماز عصر کھیل کا انتظام ہوتا ہے۔ اسی طرح ہر سال جامعہ کے طلبہ میں مسابقت کی روح پیدا کرنے،اوران کی تعلیم و تربیت اور جسمانی صحت کو مد نظر رکھتے ہوئے سالانہ ورزشی مقابلہ جات کروائے جاتے ہیں۔ اللہ کے فضل سے گذشتہ سالوں کی طرح امسال بھی جامعہ احمدیہ تنزانیہ کو مورخہ 2 اور 3 نومبر بروز بدھ اور جمعرات سالانہ ورزشی مقابلہ جات منعقد کرنے کی توفیق ملی۔ الحمد للہ علیٰ ذٰلک

مورخہ 2؍نومبر کو صبح آٹھ بجے افتتاحی تقریب منعقد ہوئی۔ تلاوت قرآن کریم کے بعد مکرم عزیز احمد شہزاد صاحب (استاد جامعہ) نے مختصر نصائح کیں اور مہمان خصوصی مکرم امیر و مشنری انچارج تنزانیہ نے دعا کروائی۔ جس کے بعد مقابلہ جات کا آغاز ہوا۔ ان مقابلہ جات میں 10 انفرادی مقابلہ جات اور 6 اجتماعی مقابلہ جات کروائے گئے۔ انفرادی مقابلہ جات میں سومیٹر دوڑ، سولہ سو میٹر دوڑ، ثابت قدمی، پنجہ آزمائی، نشانہ غلیل، لانگ جمپ، ہائی جمپ، تین ٹانگ دوڑ، فراگ ریس اور روک دوڑ شامل تھے۔ اجتماعی مقابلہ جات کے لیے جامعہ کے طلبہ کو تین گروپس میں تقسیم کیا گیا ہے۔ شفقت، امانت اور شجاعت۔ ان گروپس کی ٹیموں کے درمیان فٹ بال، والی بال، ٹیبل ٹینس، رسہ کشی ، باڑی اور میرو ڈبہ کے مقابلہ جات کروائے گئے۔ امسال میروڈبہ کا کھیل پہلی مرتبہ جامعہ تنزانیہ میں متعارف کروایا گیا۔ ان مقابلہ جات کے ابتدائی راؤنڈز پہلے ہی کروالیے گئے تھے اور سالانہ ورزشی مقابلہ جات کے دوران صرف فائنل میچز ہوئے۔ اسی طرح اساتذہ جامعہ کے مابین بھی بعض مقابلہ جات کروائے گئے جن میں نشانہ غلیل، ہاتھ سے بوتل میں پانی بھرنا، Marble & Spoon Race اور میوزیکل چیئر شامل ہیں۔

الحمدللہ، دونوں دن نہایت دوستانہ اور باوقار ماحول میں تمام مقابلہ جات کا انعقاد ہوا۔ طلبہ اور اساتذہ کی حوصلہ افزائی کے لیے مکرم امیر صاحب ہمہ وقت جامعہ کے احاطہ میں موجود رہے اور تمام پروگرامز میں شامل ہوئے۔ مورخہ 3؍نومبر بعد نماز عصر روک دوڑ کا مقابلہ ہوا جسے دیکھنے کے لیے دیگر مہمانان کو بھی مدعو کیا گیا تھا۔ روک دوڑ میں کل 20 ایونٹس رکھے گئے تھے جن کے آخر میں یاد کیا ہوا پیغام سنایا جانا تھا۔ تمام دیکھنے والےاحباب اس مقابلہ سے خصوصی طور پر محظوظ ہوئے۔ تمام مقابلہ جات کے لیے شعبہ میدانِ عمل اور شعبہ روک دوڑ کی انتظامیہ میں شامل طلبہ نے بڑی محنت کے ساتھ تیاری میں حصہ لیا۔

اسی روز بعد نماز مغرب تقریب تقسیم انعامات منعقد ہوئی جس کے مہمانِ خصوصی مکرم امیر صاحب تھے۔ ان کے علاوہ مکرم عبد الرحمٰن محمد عامے صاحب (نائب امیر)، ڈاکٹر فضل الرحمٰن بشیر صاحب (انچارج احمدیہ پولی کلینک)، مکرم کریم الدین شمس صاحب (ریجنل مشنری)، مکرم بکری عبیدی کلوٹا صاحب (مبلغ سلسلہ) اور موروگورو شہر سے دیگر مہمانان بھی تشریف لائے تھے۔ تلاوتِ قرآن کریم کے بعد دو طلبہ جامعہ نے ترانہ ’’خدامِ احمدیت‘‘ پڑھ کر سنایا۔ خاکسار (نگران کھیل) نے سالانہ ورزشی مقابلہ جات کی مختصر رپورٹ پڑھ کرسنائی اور پروجیکٹر پر مختلف مقابلہ جات کے ویڈیو کلپس دکھائے گئے۔ اس کے بعد مکرم مہمانِ خصوصی نے پوزیشن حاصل کرنے والے طلبہ میں انعامات تقسیم کیے۔ امسال مختلف مقابلہ جات میں پوزیشن حاصل کرنے والے طلبہ کی فہرست حسبِ ذیل ہے:

نتائج انفرادی مقابلہ جات

مقابلہ100میٹر دوڑ
اولعزیزم  حسن Faraj ناکوچیمہ
دومعزیزم  ابراہیم Ng’alombe
سومعزیزم  قاسم عیسیٰ
مقابلہ 1600 میٹر دوڑ
اولعزیزم  شریف Ngali
دومعزیزم  حمیم ولید
سومعزیزم  شعبان اسمعیل
مقابلہ ثابت قدمی
اولعزیزم  پیٹرک رمضان
دومعزیزم  شماری آدم
سومعزیزم  شریف Ngali
مقابلہ پنجہ آزمائی
اولعزیزم  عثمان Libuyi
دومعزیزم  بشیر احمد Misigo
سومعزیزم  اسمعیل عبد اللطیف
مقابلہ نشانہ غلیل
اولعزیزم  اشرف Kashinje
دومعزیزم  رجب شعبان Luseza
سومعزیزم  مرزا اسمعیل
مقابلہ لانگ جمپ
اولعزیزم  خالد شِکُوکُو
دومعزیزم  حمیم ولید
سومعزیزم  حسن Faraj ناکوچیمہ
مقابلہ ہائی جمپ
اولعزیزم  ابراہیم Ng’alombe
دومعزیزم  عیدی رمضان Katororo
سومعزیزم  خالد شِکُوکُو
مقابلہ تین ٹانگ دوڑ
اولعزیزم صدیق علی + عزیزم  عیدی رمضان Katororo
دومعزیزم  شریف Ngali+ عزیزم قاسم عیسیٰ
سومعزیزم شعبان اسمعیل + عزیزم سعید عیسیٰ
مقابلہ فراگ ریس
اولعزیزم  عیدی رمضان Katororo
دومعزیزم حسین عمر Mpenda
سومعزیزم  پیٹرک رمضان
مقابلہ روک دوڑ
اولعزیزم حسین عمر Mpenda
دومعزیزم  شریف Ngali
سومعزیزم  حمیم ولید


نتائج اجتماعی مقابلہ جات

فٹ بال
اولشفقت
دومامانت
والی بال
اولامانت
دومشجاعت
ٹیبل ٹینس
اولشفقت
دومشجاعت
رسہ کشی
اولشفقت
دومامانت
باڑی
اولشفقت
دومامانت
میروڈبہ
اولامانت
دومشجاعت

اساتذہ کے مابین مقابلہ جاتنشانہ غلیل

نشانہ غلیل
اولمکرم ایاز احمد ڈوگر صاحب
دوممکرم عزیز احمد شہزاد صاحب
ہاتھ سے بوتل میں پانی بھرنا
اولمکرم کریم الدین شمس صاحب
دوممکرم معلم عبد اللہ رمضان Rundo صاحب
Marble & Spoon Race
اول(خاکسار ) شہاب احمد
دوممکرم معلم عبد اللہ رمضان Rundo صاحب
میوزیکل چیئر
اولمکرم معلم عبد اللہ رمضان Rundo صاحب
دوم(خاکسار ) شہاب احمد


سالانہ ورزشی مقابلہ جات 2022ء میں :

بہترین کھلاڑیعزیزم  شریف Ngali
بہترین گروپشفقت

تقسیم انعامات کے بعد مکرم امیر و مشنری انچارج نے اپنے خطاب میں جامعہ انتظامیہ کو سالانہ ورزشی مقابلہ جات کے کامیاب انعقاد پر مبارکباد دی۔ انہوں نے کہا کہ معلمین سلسلہ کو ہمیشہ کھیلوں میں شرکت کرنی چاہیے۔ اس طرح صحت مند جسم کے ساتھ ہی صحت مند دماغ زیادہ بہتر طور پر جماعت کی خدمت کرسکتا ہے۔ آخر میں پرنسپل صاحب جامعہ نے مہمانان کی آمد پر شکریہ ادا کیا اور دعا کے ساتھ پروگرام کا اختتام ہوا۔ تمام شاملین کی خدمت میں عشائیہ بھی پیش کیا گیا۔ اللہ تعالیٰ سالانہ ورزشی مقابلہ جات کا انعقاد ہر لحا ظ سے بابرکت فرمائے۔ آمین

(رپورٹ: شہاب احمد۔ نمائندہ الفضل انٹرنیشنل)

متعلقہ مضمون

رائے کا اظہار فرمائیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button